SKAKELBEAMPTE EN FONDSWERWER

WES-KAAP

Ons kliënt, LuminAfrica, is ʼn Suid-Afrikaanse Bybelvertalingsorganisasie wat deur middel van samewerking met soortgelyke organisasies die dringende behoefte van Bybelvertaling in Suider-Afrika aanspreek. LuminAfrica benodig tans die dienste van ‘n ervare fondswerwer om deel van hul klein en innoverende span te word.

Verantwoordelikhede:

• Skakeling met interne en eksterne rolspelers (ontwikkelingspersoneel, leierskap, vrywilligers, ens.)
• Bou verhoudings met bestaande en potensiële donateurs (insluitend individue, gesinne en besighede)
• Voorbereiding en saamstel van aanbiedings / voorleggings aan verskeie belangegroepe
• Persoonlike kommunikasie met bestaande en voornemende beleggers
• Akkurate rekordhouding / verslagdoening m.b.t. beleggers / donateurs se versoeke, interaksies, geskenke ens.
• Administratiewe take (bv. korrespondensie, begrotings, opdatering van databasis, ens.)
• Reëling en koördinering van funksies

Vereistes:

• Toepaslike tersiêre kwalifikasie (fondswerwing, verkope, bemarking, skakelwese, ens.)
• Ondervinding in verkope of fondsinsameling binne ʼn kerklike / bedieningsomgewing sal as sterk aanbeveling dien
• Ekstroverte persoonlikheid en vermoë om sterk verhoudings te bou met verskillende etnisiteite, kulture, wêreldbeskouings, ens.
• Uitstekende kommunikasievaardighede (persoonlik, telefonies en skriftelik)
• Rekenaarvaardig (Microsoft Office, Teams en CRM-stelsels)
• Nakoming van Bybelse beginsels en kernwaardes
• Bereidwilligheid om gereeld te reis
• Uitstekende analitiese, navorsings- en probleemoplossingsvaardighede
• Goeie sakevernuf (goeie begrip van groot sakeondernemings, filantropiese trusts, stigtings, ens.)